Stjórn SVFA óskra félagsmönnum sínum gæfu og gengis á nýju ári.
Söluskrá SVFA hefur verið póstlögð til félagsmanna og ætti að berast á fyrstu dögum nýs árs. Söluskrána má einnig nálgast á meðfylgjandi slóð. PDF skrá.
Nýtt úthlutunarfyrirkomulag verður viðhaft í þetta skipti. Félagsmenn sem eru búnir að greiða félagsgjaldið geta sótt um leyfi fyrir komandi sumar. Sækja um.
Félagar í SVFA veiddu í Laxá í Leirársveit 17. og 18. júní. Það er talsvert síðan fyrstu laxarnir sáust í ánni og fyrstu dagar veiðitímabilsins gengu ágætlega. Veiddu SVFA menn 3 laxa á Þjóðhátíðardaginn og 6 laxa þann 18. Allir komu þeir upp úr Laxfossi nema einn sem veiddist í Ljóninu. Meðfylgjandi mynd er af Ásgrími Kárasyni með 76 cm. hrygnu sem tók litla rauða keilutúbu í Laxfossi og var sleppt að myndatöku lokinni.
Nokkur leyfi eru enn laus í Fáskrúð í sumar. Kíkið á síðuna „Laus veiðileyfi„
Einnig er hægt að sjá söluskrána hér.
AÐALFUNDUR 2020
Stúkuhúsinu – Safnasvæðinu Görðum, Akranesi.
Dagskrá:
kl. 10:00 Aðalfundur, venjuleg aðalfundastörf og önnur mál.
kl. 11:00 Númer dregin.
kl. 13:00 Sala veiðileyfa skv. númerum.
kveðja,
Stjórn SVFA.
Félagsskírteini eiga nú að hafa borist öllum félagsmönnum. Gegn framvísun þeirra geta félagsmenn veitt endurgjaldslaust í vötnunum í Svínadal: Geitabergsvatni, Þórisstaðavatni og Eyrarvatni.
Ekki er ólíklegt að silungurinn sé farinn að taka grimmt núna eftir góða vordaga undanfarið.
Nokkur holl eru enn laus í Fáskrúð fyrir sumarið. Einnig stakar stangir í Grímsá 15.-16. september (heill/hálfur). Skoðið framboðið á meðfylgjandi síðu http://svfa.is/laus-veidileyfi/
Búið er að póstleggja til félagsmanna söluskrá 2019.
Ákveðið var að hafa aðalfund og sölu leyfa á sama degi, laugardaginn 12. janúar.
Stúkuhúsinu – Safnasvæðinu Görðum, Akranesi.
Dagskrá:
kl. 10:00 Aðalfundur, venjuleg aðalfundastörf og önnur mál.
kl. 11:00 Númer dregin.
kl. 13:00 Sala veiðileyfa skv. númerum.
kveðja, Stjórn SVFA.
Veiði í Fáskrúð lauk 30. september skv. venju. Veiðin í sumar var 173 laxar sem er heldur minna en sl. ár. Júlí og ágúst þróuðust mjög álíka í sumar og undanfarin ár en nú var september slakari en oft áður.
Veiðibókin í Fáskrúð var komin í 127 laxa á hádegi 2. sept. Haustrigningin um helgina skilaði sér í hærra vatnsyfirborði og fiskurinn viljugri að taka en dagana á undan. Hollið sem kláraði veiðar í gær var með 9 laxa, 6 úr Efri streng, einn úr Neðri streng, Breiðunni og Hellu. Talsvert var af fiski í Neðri barka á að giska voru sýnilegri 15-20 fiskar þar. Einnig sáust fiskar í Neðstafljóti, Miðfljóti, Hellufljóti. Mest var þó lífið efst í ánni frá Kötlum niður í Barka. Kæmi ekki á óvart ef Efri strengur yrði veiðihæsti staðurinn í ár ef svo fer fram sem horfir. Lang oftast hefur Hellufljótið verið aflahæst og Laxhylur komið þar næst.
Veiðibókin í hádeginu 19. ágúst stóð í 93 löxum. Skiptingu veiðinnar má sjá hér í töflunni fyrir neðan. Þrátt fyrir votviðrasamt sumar hér á vesturlandi þá eru dragár eins og Fáskrúð fljótar að lækka í vatni þegar styttir upp. Veiðimenn sem luku veiðium 19. ágúst sögðu að árin væri orðin ansi lítil og það hamlaði veiðinni. Takan treg en talsvert er af fiski í ánni, sérstaklega í efri hlutanum. „Katlafoss er pakkaður af fiski, einnig talsvert í Laxhyl, Neðri barka, Efri Streng og fleiri stöðum“ sagði einn veiðimanna sem var að koma úr Dölunum. Eins og svo oft áður þá er þörf á nýju vatni og það mun líklega hleypa lífi í ána.
