Greinasafn eftir: SVFA

Lokatölur Fáskrúð

Veiði í Fáskrúð lauk 30. september skv. venju.  Veiðin í sumar var 173 laxar sem er heldur minna en sl. ár. Júlí og ágúst þróuðust mjög álíka í sumar og undanfarin ár en nú var september slakari en oft áður.  

lokatolur_2018

Á hádegi 2. september

Veiðibókin í Fáskrúð var komin í 127 laxa á hádegi 2. sept. Haustrigningin um helgina skilaði sér í hærra vatnsyfirborði og fiskurinn viljugri að taka en dagana á undan.  Hollið sem kláraði veiðar í gær var með 9 laxa, 6 úr Efri streng, einn úr Neðri streng, Breiðunni og Hellu.  Talsvert var af fiski í Neðri barka á að giska voru sýnilegri 15-20 fiskar þar.  Einnig sáust fiskar í Neðstafljóti, Miðfljóti, Hellufljóti.  Mest var þó lífið efst í ánni frá Kötlum niður í Barka.  Kæmi ekki á óvart ef Efri strengur yrði veiðihæsti staðurinn í ár ef svo fer fram sem horfir. Lang oftast hefur Hellufljótið verið aflahæst og Laxhylur komið þar næst.

veidin_2_sept

 

Fáskrúð 19. ágúst

Veiðibókin í hádeginu 19. ágúst stóð í 93 löxum.  Skiptingu veiðinnar má sjá hér í töflunni fyrir neðan.  Þrátt fyrir votviðrasamt sumar hér á vesturlandi þá eru dragár eins og Fáskrúð fljótar að lækka í vatni þegar styttir upp.  Veiðimenn sem luku veiðium 19. ágúst sögðu að árin væri orðin ansi lítil og það hamlaði veiðinni.  Takan treg en talsvert er af fiski í ánni, sérstaklega í efri hlutanum.  „Katlafoss er pakkaður af fiski, einnig talsvert í Laxhyl, Neðri barka, Efri Streng og fleiri stöðum“ sagði einn veiðimanna sem var að koma úr Dölunum. Eins og svo oft áður þá er þörf á nýju vatni og það mun líklega hleypa lífi í ána.

veidin_19_ág

Fáskrúð um miðjan júlí

Það hefur gengið vel í Fáskrúð frá opnun. Upp úr áni hafa verið dregnir 34 laxar og þar af var síðasta holl með 10 laxa.  Eins og nærri má geta er vatnsstaða mjög góð eftir hina votviðrasömu sumarbyrjun.  Hér má sjá skiptingu aflans eftir veiðistöðum (til hádegis 16. júlí).

faskrud_2018

Opnun í Fáskrúð

Fáskrúð var opnuð 30. júní og fyrsta holl lauk veiðum í dag 2. júlí.  Vatnsstaða árinnar er með besta móti og veiðiveður gott.  Opnunarhollið veiddi 5 laxa – allt vel haldinn smálax 55-66 cm. langa.  Þeir staðir sem gáfu fisk voru Neðsta fljót, Hellufljót, Ármótastrengur og Eirkvörn.  

Félagsskírteini send út

Félagsskírteini verða send í pósti næstu daga.

Félagsmenn SVFA geta veitt án endurgjalds í eftirfarandi vötnum gegn framvísun félagsskírteinis. Börn í fylgd með félagsmanni veiða einnig frítt.

Geitabergsvatni, Svínadal
Þórisstaðavatni, Svínadal
Eyrarvatni, Svínadal
Fremstavatni – Ljáskógum (við Fáskrúð – Dölum)
Miðvatni – Ljáskógum (við Fáskrúð – Dölum)
Neðstavatni– Ljáskógum (við Fáskrúð – Dölum)

Óseld leyfi

Upplýsingar um óseld leyfi má finna hér.

Reynt er að uppfæra jafnt og þétt en nauðsynlegt er að hafa samband til að athuga með laus leyfi ef áhugi er á ákveðnum dögum.

Tilkynning um söludag veiðileyfa 2018

Söludagur veiðileyfa félagsins verður laugardaginn 13. janúar og fer fram í Stúkuhúsinu, Safnasvæðinu að Görðum (við hlið Safnaskálans/Garðakaffi).

Þeir sem hyggjast kaupa veiðileyfi draga númer frá kl. 11-12 og verða leyfin afgreidd eftir þeim númerum kl. 14 sama dag

Verðská verður send félagsmönnum í pósti næstu daga.