Hvassviðri setti svip sinn á veiðiskap í Fáskrúð í dag en morgunvaktin skilaði einum laxi á land og þrír laxar fengust nú undir kvöld. Samtals eru þá komnir átta laxar á land þessa fyrstu daga í Fáskrúð en opnunarhollið líkur veiði á morgun. Í dag fengust tveir í Neðri barka, einn í Viðbjóð og einn í Neðri Stapa. Í gær veiddist í Laxhyl, Viðbjóð, Efri Stapa og Eirkvörn. Fiskur er víða að skríða og voru sumir laxanna lúsugir. Veiðimenn fengu tökur á fluguna í dag og misstu einnig laxa.

Stór torfa var úti fyrir ósnum í hádeginu en tveir selir léku sér að því að reka laxana upp og niður svæðið með viðeigandi loftköstum og látum. Að lokum hvarf laxatorfan út á haf og selirnir með.

Fallegur lax sem Bjarni Þór fékk í veiðistaðnum Viðbjóð.

Fyrir miðri mynd má sjá laxatorfu krauma í yfirborðinu. Selir eltu torfuna upp og niður ósinn með viðeigandi loftköstum og látum.

Veiðimaður kastar flugu ofarlega í Neðri Barka í dag. Barkinn skilaði tveimur löxum á land.

Efri Strengur í litlu vatni í dag.

Related Images:

Skagamenn sem opnuðu Fáskrúð í dag lönduðu fjórum löxum á mið- og efra svæði árinnar.

Allir laxarnir fengust á flugu en Skúli Garðarsson fékk fyrsta laxinn í upphafi vaktar í veiðistaðnum Viðbjóð. Var það lúsugur smálax sem tók svarta frances keilutúpu og var honum sleppt að viðureign lokinni. Áeftir kom einn 75 cm lax í Efri Stapa á svarta frances og annar 82 cm úr Laxhyl á Sunray Shadow.

Þessum löxum var sleppt en veiðimenn settu sér það markmið í upphafi vaktar að veiða sem mest á flugu og sleppa flestum löxum. Undir lok vaktar veiddist einnig lúsugur smálax í Eirkvörn. Í dag sáu veiðimenn laxa í Efri Brúarstreng og fyrir neðan þjóðvegsbrú sást líka til laxaferða.

Mynd; Birkir Erlingsson við Laxhyl í dag

Related Images:

Líflegt hefur verið við Andakílsá síðustu daga en veiðimenn sem voru að ljúka veiðum lönduðu sjö löxum í dag. Fengust 3 laxar í veiðistað Þrjú, 3 í veiðistað Fimm og 1 í Nátthagahyl. Allir laxarnir fengust á maðk og vigtuðu þeir frá þremur og upp í sjö pund. Sannarlega flottur júníafli og næstu dagar ættu að verða spennandi þar sem stórstreymt er og laxar að sýna sig við ána.

Alls eru þá komnir sextán laxar á land þessa fyrstu viku sem veitt er á laxasvæðinu í sumar en til samanburðar veiddust aðeins tíu laxar í júnímánuði síðustu tvö ár. Núna komu fyrstu tveir laxarnir á land 22. júní, fjórir laxar 25. júní, þrír laxar 26. júní og sjö laxar í dag 27. júní.

Veiðistaðir sem hafa gefið laxa eru nokkrir en það eru Sleifarkvarnir, Þrjú, Neðri Fossbakkahylur, Efri Fossbakkahylur, Nátthagahylur og veiðistaður Fimm, en sá staður gaf einungis einn lax allt sumarið í fyrra. Staðurinn fékk yfirhalningu fyrir sumarið og virðist það vera að skila sér þessa fyrstu daga sem veitt er á svæðinu.

Þyngsti laxinn er 4 kg hængur úr Efri Fossbakkahyl sem fékkst á Blue Charm í gær 26. júní.

Veiðistaður Fimm gaf þrjá laxa í dag. (Ljósm AMK 2010)

Lax skvettir sér í strengnum við Nátthagahyl 27. júní (Ljósm. AMK 2010)

Related Images:

VEIÐIDAGUR fjölskyldunnar verður haldinn næstkomandi sunnudag, 27. júní. Þá gefst landsmönnum kostur á að veiða án endurgjalds í fjölmörgum vötnum víðsvegarum landið.

Í ár fagnar Landssamband Stangaveiðifélaga 60 ára afmæli og hefur staðið fyrir Veiðidegi Fjölskyldunnar í á þriðja áratug ásamt veiðiréttareigendum.Hugmyndin á bak við daginn er að kynna stangveiði sem fjölskylduíþrótt. Í ár verður 31 vatn í boði á veiðideginum.

Eftirtaldir veiðistaðir verða í boði frítt fyrir alla fjölskylduna:

Á Suðvesturhorni landsins verður frítt að veiða í Elliðavatni, Vífilstaðavatni, Meðalfellsvatni, Þingvallavatni fyrir landi Þjóðgarðsins og Úlfljótsvatni.

Á Vesturlandi og Vestfjörðum verður frítt að veiða í Geitabergsvatni, Þórisstaðavatni, Eyrarvatni, Skorradalsvatni í landi Indriðastaða, Langavatni á Mýrum, Hítarvatni,

Hraunsfjarðarvatni, Baulárvallavatni, Haukadalsvatni, Vatnsdalsvatni í Vatnsfirði og Syðridalsvatni í Bolungarvík.

Fleiri vötn og nánari upplýsingar má finna á vefnum www.landssambandid.is

Related Images:

Lítið var að gerast fyrstu tvo daga veiðitímabilsins íAndakílnum sem opnaði eins og kunnugt er á sunnudag.

En í gær, á fyrsta Skagadeginum í sumarfengust tveir laxar.Fyrir hópnum fór Pétur Óðinsson húsvörður með meiru af Skaganum,en fengu þeir félagartvo nýgengnalaxa um morguninn og misstu annan.

Pétur landaði fyrsta laxi sumarsins í Sleifarkvörnum, veiðistað númer tólf. Annar lax fékkst í FossabakkaNeðri en það er veiðistaður númer átta. Misstu veiðimenn einnig lax í EfriFossbakkahyl, veiðistað númer fjögur.

Ánægjuleg byrjun á laxveiðitímabilinu við Andakílsá en undanfarin ár hefur júnímánuður gefið um 10 laxa á dagana tíu. Næsti Skagadagur er 30. júní og munum við fylgjast náið með aflabrögðum þá.

Fyrsti laxinn sumarið 2010 kom úr Sleifarkvörnum 22. júní (Ljósm. AMK 2009)

Related Images:

Við Litlu Hamarskvörn að kvöldi 20. júní 2010 (Ljósm. AMK)

Rólegt var um að litast á laxasvæði Andakílsár í dag en það opnaði fyrir veiði í morgun. Veiðimenn lönduðu einum fjögurra punda urriða í veiðistaðnum Volta á fluguna Blue Charm.

Þrátt fyrir góðar fréttir af opnunum víða um land varð raunin ekki sú þennan fyrsta dag laxveiðitímabilsins í Andakílnum. Það má þó telja nokkuð líklegt að fyrsti laxinn komi á land fljótlega.

Samkvæmt veiðibók á silungasvæðinu veiddist ein þriggja punda bleikja á Klöppunum 7. júní á flugu en annars hefur silungasvæðið gefið fjórar bleikjur og sex ófrýnilegar flundrur það sem af er tímabili.

Related Images:

Veiðisumarið er formlega hafið. Góðar opnanir og fréttir af laxaferðumvíðaum land gefaveiðimönnum óneitanlega tækifæri til aðhlakka enn frekartilsumarsinsvið Fáskrúð.Ekki er ólíklegt að sá silfraði fari að láta sjá sig þar en opnað verður fyrir veiðieftir hádegi þann30. júní í Dölunum.

Í fyrsta skipti í sögunni var settur kvóti álaxadráp í Fáskrúðsumarið 2009.Var það gertí ljósi rannsókna Veiðimálastofnunar árið 2007 á seiðabúskap og uppvaxtarskilyrðum seiða við ána. Þessi kvóti hljómar upp átólf laxa áhvert tveggja daga holl. Umfram kvóta má að sjálfsögðu veiða og sleppa.

Niðurstöður þessararannsóknasýndu að svokölluð seiðavísitala mældist fremur lág, ensú vísitalaendurspeglar m.a. seiðaþéttleika og seiðamagn. Þessar tölurí Fáskrúð voru t.a.m. mun lægri en mældar voruá sama tíma hjá nágrannaánum Krossá
og Flekkudalsá. Lægri seiðaþéttleiki getur m.a. stafað af minni hrygningu.

Sérstaklegaer mælst til þess að laxar með tveggja ára sjávardvöl að baki sé sleppt aftur í Fáskrúð þar sem hlutdeild stórlaxa hefur farið mjög lækkandi á undanförnum árum. Einnig er bent á að lengd sjávardvalar laxa sé að hluta til arfbundin og því hafi það mikla þýðingu fyrir þann eiginleika að stórlaxinum sé hlíft.

Aðaukisegir að 60 cm hrygna gefi af sér 4000 hrognen hrygna sem er 75 cm gefi af sér 6500 hrogn. Samband er einnig milli stærðar hrygna og hrogna þannig að hrogn stórlaxa eru stærri, og seiði sem klekjast úr stærri hrognum eru lífvænlegri en seiði úr smærri hrognum.

Talið er að stærð laxastofna sé í góðu samræmi við gæði og stærð tiltækra búsvæða sem laxinn hefur til umráða. Í því samhengi er bent á að stór framleiðslusvæði fyrir laxaseiði séu einnig til staðar á ófiskgengum árhluta Þverár og fyrir ofan Katlafossa ogsvonefndan Efrifoss. Sem fyrsta skref í nýtingu ófiskgengra svæða væri mögulegt að flytja fullorðinn fisk upp fyrir Efrifoss og fylgjast með hrygningu hans þar og afkomu seiða.

Mjög mikilvæguren fyrirhafnarlítill þátturí eflingu laxastofnsFáskrúðar er, aðaukin áhersla verði lögð á að veiðimenn sleppi veiddum löxum.

Meðþessari einföldu framkvæmder hægt að komast hjá stórtækariog viðameiriaðgerðumeins ogfrekari kvótasetningumeðaað súkrafa verði gerð að eingöngufluguveiðar verði stundaðar á ákveðnum tímabilum.

Fáskrúðsemer vel þekktmaðkaveiðiágeymir fleiri fluguveiðistaði en margan grunar. Aukinfluguveiði ásamtþví að sleppa veiddum löxumergrundvöllur þess aðárangur náist í að byggja upp seiðabúskap árinnar um ókomin ár.

Samkvæmt veiðibók gáfu eftirfarandi veiðistaðir lax á flugu sumarið 2009:
Neðri og EfriBrúarstrengir, Miðfljót, Hellufljót, Ármótastrengur, Hrafnakvörn, Veiðileysa, Jóka, Leynir, NeðriStapi, Efri Stapi, Viðbjóður, Neðri Barki, Efri Strengur, Viðauki, Laxhylur, Breiðan ogKatlafossar.

Íeinhverjum tilvikasíðasta sumar mátti sjáfjöldalaxa sleppt jafnvel þar sem kvóta hafði ekki verið náð.Því ber að fagna ogvonast er til aðaukin vakning verði á meðal veiðimanna í Fáskrúð á komandi sumri.

Mest var um sleppingar í september enþann mánuðveiddist minnstyfir sumarið, samtals133 laxar.Þá var 32 löxum sleppt og 101 lax veginn.

Afvegnum löxumí september var tæpur helmingur hrygnur eða 48 talsins. Aðlágmarki gefa 48fimm punda smálaxahrygnur af sér 192.000 hrogn.

Mörgum kann að koma það á óvart aðárin 2008 og2009 veiddist vel í Fáskrúð þrátt fyrir lélega seiðamælingu árið 2007. Hins vegar kom það í ljóssíðastliðið haustþegar ná átti í klakfisk að ekkert fannst. Dregið var áhylji án árangurs.

Göngum því vel umána okkar og veltum því fyrir okkur hvort aðánægjansem því fylgir aðtakast ávið lax í Fáskrúð,felist í v eiðinni og baráttunni viðfiskinn eða drápinu sjálfu.

Gleðilegt veiðisumar !

Nýgengnum laxi sleppt við Neðri Stapakvörní ágúst sumarið2009.

Veiðimaður með 80cmhrygnu (áætluð 5.3 kg) sem var sleppt afturvið veiðistaðinn Viðauka í september 2009.

Veiðimenn landa og sleppa laxi við Laxhyl í ágústmánuði 2009.

Related Images:

Til að hámarka árangurveiðimanna sem ákveða að stunda veiða og sleppaá vegum félagsinsleituðum við ráða hjá fróðari mönnum í þeim efnum. Fáir hafa víðtækari reynslu í því að veiða og sleppa hér á landi enPétur Péturssonvið Vatnsdalsáþar semeingönguer veitt ogsleppt. Hefur sú aðferð verið notuð þar meðfrábærum árangri í 13 ár. Við fengum lánaðar nákvæmar upplýsingar um það hvernig skuli bera sig að við að sleppa laxi á sem árangurríkastan hátt. Njótið vel.

Að sleppa laxi.

Það á við hér eins og í flestu öðru að reynslan er lykill kunnáttunnar þegar miðlað er hvernig best skuli staðið að sleppingum.Hér gilda ákveðin lögmál sem stuðla að því að laxinn komist óskaddaður aftur í umhverfi sitt til að geta haldið áfram því sem náttúran ætlast til af honum, sem er að tryggja náttúrulega hrygningu og þar með viðhald og afkomu seiðabúskaps árinnar sem hann tilheyrir.

Nokkrar helstu leiðbeiningar.
•Forðist að laxinn skaddist á oddhvössu grjóti eða öðru sem sært getur hold hans við löndun

-Ef aðstæður leyfa þá leggið fiskinn í mjúkt grasið meðan flugan er losuð úr
-Þurfi að losa fluguna úr í vatninu þá varist að þrýsta fiskinum í botninn þar sem grýttur botn getur skaðað hann
-Ef notast er við háf skal hann að vera hnútalaus

•Takið laxinn ekki upp á sporðinum einum (á sérstaklega við um stórlax)

-Takið um sporðinn og haldið undir fiskinn aftan við hausinn þegar honum er lyft upp
-Snertið aldrei tálkn eða augu fisksins

•Losið fluguna úr laxinum fljótt og örugglega

-Töng er nauðsynleg þegar losa á fluguna úr fiskinum
-Mælið fiskinn eins fljótt og kostur er
-Komið fiskinum strax í vatn

•Veljið hentugan sleppistað

-Hentugur staður er td. í straumjaðri
(ekki þar sem straumur er mestur/mikill)
-Snúið fiskinum á móti rennsli vatnsins
-Gefið fiskinum góðan tíma til að ná jafnvægi og styrk áður en honum er sleppt

Annað sem hafa ber í huga.

Misjafnt er hversu dasaður fiskur er eftir viðureign. Þegar fiskur er mjög þreyttur verðum vi ð þess fljótt vart í sleppingarferlinu.Ef við teljum svo vera þurfum við að gefa okkur góðan/lengri tíma með fiskinum til að tryggja að hann nái nauðsynlegri orku og styrk áður en við sleppum honum.

Fiskur getur verið óstýrilátur til að byrja með og kynnu þá einhverjir að halda að hann sé fullur orku ennþá, en svo þarf alls ekki að vera og því ber að fara að öllu með gát og halda honum föstum með sporðtaki. Þegar um stórlax er að ræða er þetta ekki óalgengt.

Aðalatriðið er að fiskurinn róist og til þess að það megi verða er mönnum bent á að láta ekkert trufla fiskinn, að enginn standi fyrir framan hann eða til hliðar við hann þannig að hann verði var við, meðan verið er að meðhöndla hann. Það hefur róandi áhrif á hann.

Sleppið ekki takinu of fljótt.

Þegar fiskurinn hefur náð að vinna upp orku og styrk þá prufið að losa takið hægt og rólega af fiskinum (haldið eingöngu lauslega um sporðinn) til að sjá hvort hann hefur náð jafnvægi og færið ykkur frá honum í leiðinni, án þess þó að sleppa sporðtakinu. Þetta má endurtaka þar til fiskurinn hefur náð fullkomnu jafnvægi.

Til þess svo að fullvissa sig um að tilsettu marki sé náð þá er rétt að sleppa takinu af sporðinum, bakka hægt og rólega frá fiskinum og leyfa honum að hvílast á þessum sama stað.

Laxinn nær að endurhlaða orkuna fyllilega á 15 mínútum. Hinsvegar ef honum líður vel á þeim stað þar sem honum hefur verið sleppt, á hann það til að liggja þar mun lengur og er ekkert óeðlilegt við það. Þegar hann síðan ákveður að fara, þá yfirleitt dólar hann rólega út í hylinn með fullri reisn og lætur sem ekkert hafi skeð, eða er kannski bara búinn að gleyma.

Birt með leyfi af www.vatnsdalsa.is

Viðmiðunartafla Veiðimálastofnunar. – Á vef stofnunarinnar segir að töfluna megi nota til að sjá líklega þyngd ef lax er eingöngu lengdarmældur.

Related Images:

Viðhöfum undir höndumskemmtilegar heimildiryfir veiði í Fáskrúð allt frá árinu 1941. Tölurnar tók samanveiðimaðurinn og fyrrverandi formaður SVFA, KjartanGuðmundsson. Heimildirnar eru úr gömlum veiðibókum sem eru að finna á skrifstofu félagsins.

Við munum síðar birta listann í heild en fyrst um sinn höfum við tekið saman tuttugu bestu og lélegustu árin. Upplýsingar um veiði vantar að vísu fráárunum1947,-48,-49,-55,-57,-65,-74 og 1975. Þessi áreru því ekki tekin til greina sem bestu og lélegustu árin þangað til veiðitölur frá þeim finnast.

Athygli vekur að undanfarin tvö ár, 2008 og 2009 rata beint inn á topp fjögur ásamt árunum 1971 og 1988.

Related Images:

Nýlega kom út skýrsla árnefndar SVFR við Andakílsá fyrir tímabilið 2009.

Þar kemur fram að á liðnuári veiddust samtals 706 laxar á svæðinu. Þar af 694 á laxasvæði árinnar.

Þetta er því næst besta veiðin af síðastliðnum 40 árum í kílnum. Besta sumarið var 2008 þegar 839 laxar veiddust. Beina slóð á skýrsluna frá SVFRer að finna hér.

Eins og kunnugt er fer SVFAmeð sölu fjórðungs veiðileyfa í ánni í góðu samstarfi við SVFR sem sér um hinn þriðjung veiðileyfanna. Við höfum nú tekið sérstaklega saman veiðina á dögum félagsins ásamt ýmsum öðrum fróðleik frá sumrinu.

Góð heildarveiði á dögum SVFA

Heildarveiði á laxasvæðinu í sumar var 694 laxar en þar af komu 242 laxar á land á dögum SVFA. Það er því yfir þriðjungur heildaraflans í sumar eða alls 35% sem veiddist á dögum félagsins.

Öflugmeðalveiði á hverja stöng.

Á dögum félagsins var meðalveiðin 4.75 laxar per stöng á dag á móti2.95 löxum per stöng ádögum SVFR.Yfir tímabilið alltveiddust aðmeðaltali 3.4 laxar per stöng á dag.

Yfirburðagóð fluguveiði á dögum SVFA.

Af 242 veiddum löxum á dögum félagsinsfengust 187 á flugu á móti 56 á maðk. Dagar SVFAskiluðu því 77%á fluguog23% á maðk.Dagar SVFR skiluðu svo 69%á fluguog31% á maðk og íheildina yfir sumariðvar71.5%veitt á flugu en28.5% á maðk.

Bestu holl SVFA í sumar voru í september.

Mest veiddist þann 11. sept af öllum dögum SVFA á tímabilinu eðaalls 33 laxar. Næst mest veiddist þann 15. sept þegar 30 laxarkomu á land.Þar á eftir komu tvö júlí holl með fína veiði og þar á eftir annar stakur septemberdagur.
Sjá nánari skiptinguí töflu hér til hliðar.

Verstudagar SVFA.

Enginn lax veiddist á dögum félagsins 22 og 26. júní.Næst lélegustu holl sumarsins voru svo 1-2. júlí, 3-4. sept og 10. sept en öll þessi holl hafa einungis 2 laxa skráðaí bók.

Slakur árangur í því að veiða og sleppa.
Á dögum SVFA slepptu veiðimenn9 löxum af 242 eða 3.71% aflans og á dögum SVFRslepptu veiðimenn 22 löxum af 452eða 4.86%. Í heildina var einungis 31 af 694 löxumsleppt yfir allt tímabilið í Andakílsá en þaðgera 4.46%.

Til samanburðar mágeta þessað 12.72% heildaraflans í Fáskrúð var sleppt í sumar og þar er veiðiskiptingin þveröfug eðanálægt73% maðkur og 27% fluga !

Efri Fossbakkahylur náði fornri frægð í sumar.

Þrjú var aflahæstur með 211 laxa veiði.

Efri Fossbakkahylur endaði í 191 löxum.

Úr Nátthagahyl komu 85 laxar.

Tvö og hálft skilaði 72 löxum á land.

Laugafljót endaði í51 skráðum löxum.

Volti skilaði 25 löxum í sumar.

Sleifarkvarnirvoru með22 laxa skráða.

Ljósmyndir;AMK – Ábendingar berist á tölvupósti hér

Related Images: