Aðalsöludagur veiðileyfa verður laugardaginn 29. janúar n.k. og fer fram að Suðurgötu 108. Þeir sem ætla að kaupa veiðileyfi dragi númer frá kl. 11-12 og verða leyfin afgreidd eftir þeim númerum kl. 14 sama dag. Mánudaginn 31 jan. kl. 20-21 verða óseld veiðileyfi seld félagsmönnum á skrifstofu félagsins að Suðurgötu 108, eftir það verða þau einnig boðin utanfélagsmönnum.

Félagar þurfa að velja sér veiðifélaga og ber að nafngreina þá og veiðiá áður en númer er dregið og dregur einn fyrir sig og sína veiðifélaga. Fjarstöddum félögum er heimilt að gefa öðrum umboð ( skri
flegt ) til að draga fyrir sig. Skylt er að greiða árgjald áður en dregið er. Ákveðið hefur verið að gefa félagsmönnum kost á gjaldfresti á 50% keyptra veiðileyfa.

Greiðsluseðlar verða sendir út í mars fyrir eftirstöðvum, með gjalddaga 1. apríl. Ef veiðileyfin eru staðgreidd á söludegi verður gefinn 5% afsláttur af helmingi verðs, sem annars greiðist í mars..

Veiðileyfi verða seld eftir sömu reglum og áður, þannig að menn hafi frjálst val í þeirri röð sem afgreiðslunúmer þeirra segir til um, ef þeir eru mættir er sala hefst og kemur að þeirra númerum.

Í Fáskrúð eru 2 stangir á dag, nema í 2 partíum þá eru þær 3. Þar eru 2 dagar seldir saman út á nöfn tveggja félagsmanna. Í verðskrá eru upplýsingar um daglegan veiðitíma og kvóta.

Á laxasvæðinu í Andakílsá eru dagarnir seldir með báðum stöngunum út á nöfn tveggja félagsmanna. Á stöku dögunum hefst veiði kl. 07:00 og lýkur kl. 22:00 að kvöldi (21:00 14. Ágúst til 14 sept. og kl 20 eftir það). Á stöku dögunum má koma í húsið kvöldið fyrir veiðidag. Í verðskrá eru upplýsingar um daglegan veiðitíma.

Veiðileyfi á silungasvæðið í Andakílsá eru frjáls í sölu og verða boðin á söludegi. Eftir það verða þau seld á leyfi.is.
Veiðihús með öllum viðlegubúnaði er til afnota fyrir veiðimenn á silungasvæðinu, húsið er staðsett við bæinn Skeljabrekku og má koma í það kvöldið fyrir veiðidag. Veiðikortið 2011 býðst félagsmönnum á kostnaðarverði kr. 5.000.- á söludegi, eftir það hjá formanni félagsins, síma 899-6132. Kortið gefur rétt til veiði í 35 vötnum, sjá www.veidikortid.is.

Ef ágreiningur kemur upp um ofanskráðar reglur áskilur stjórnin sér rétt til að skera þar úr í hverju tilfelli.
Aðalfundur Stangaveiðifélags Akraness 2011 verður haldinn miðvikudaginn 26. janúar kl. 20:00 að Suðurgötu 108

Fundarefni:
1. Venjuleg aðalfundarstörf
2. Önnur mál.

Verðskrá fyrir silungsveiði í Andakílsá.

Verðskrá fyrir laxveiði í Andakílsá og Fáskrúð.

Vinsamlegast greiðið félagsgjaldið tímanlega með greiðsluseðli, það auðveldar vinnu stjórnar á söludegi.

Stjórn SVFA   

Related Images:

Fluguhnýtingakvöldin hefjast Þriðjudaginn 18. janúar kl. 20:00-22,00 í aðstöðu félagsins að Suðurgötu 108.

Allir velkomnir, félagsmenn sem og aðrir.

Allt efni er innifalið,  kaffi er á könnuni og kostar kvöldið 500kr.

Allir eiga að mæta með væs og verkfæri til fluguhnýtingargerðar

Nánar auglýst siðar með framhald.

Reikna á með að þetta geti verið aðra hverja viku

Stjórn SVFA

Related Images:

Stangaveiðifélag Akraness færir félagsmönnum sínum og öðrum veiðiáhugamönnum bestu jólakveðjur og þökkum ánægjulegt samstarf á árinu sem er að líða

Related Images:

Landssamband Stangaveiðifélaga var stofnað þann 29. október 1950, að Hótel Borg í Reykjavík.„Tildrög stofnunar þessa sambands voru þau að Stangaveiðifélag Akranes ritaði stjórn Stangaveiðifélags Reykjavíkur bréf fyrri hluta ársins 1948 og benti á nauðsyn þess að félög stangaveiðimanna stofnuðu með sér slík landssamtök.“, segir í fyrstu fundargerð L.S.Á stofnfundinn voru mættir fulltrúar frá 11 stangaveiðfélögum og eru sex þeirra enn starfandi og aðilar að LS.

60 ár er allnokkur tími og hefur starfsemi LS tekið miklum breytingum frá upphafsárum þess.Helstu baráttumál í upphafi voru stofnun Fiskræktarsjóðs en það tók LS 16 ár að fá þennan sjóð inn í lax- og silungsveiðilög þess tíma.Fiskræktarsjóður hefur styrkt fjölmörg mál frá þeim tíma sem styrkt hefur fiskirækt og aukin búsvæði laxfiska í ám og vötnum.Þau mál sem LS vann mest að á þessum árum eru fiskirækt, fiskeldi og aukin friðum og að fá lax- og silungsveiðilöggjöfinn breytt til þess.Þá fylgdi LS þvífast eftir að eftirlit með að veiðibúnaður manna, sem koma erlendis frá sé sótthreinsaður við komu þeirra hingað til lands eða að þeir sýni vottorð um að slíkt hafi verið gert.Þá tók LS þátt í ferðamálaráðstefnum hér á landi þar sem fjallað var helst um það hvernig fjölga mætti erlendum veiðimönnum til landsins.LS stóð fyrir veiðimálaráðstefnum í samvinnu við fjölda hagsmunaaðila þar sem fjallað var um m.a. þróun veiðimála, fisksjúkdóma, laxveiðar í Norður-Atlantshafi, rannsóknir á íslenskum veiðivötnum ofl.

LS gerðist aðili að Nordisk Sportfisker Union (NSU) árið 1966 og kom strax í ljós að stangaveiðimenn á Norðurlöndum eiga sameiginlega hagsmunamál og áttu við sömu vandamál að etja.Þau mál sem voru mest á dagskrá eru:stangaveiðimöguleikar, fiskvernd, fiskrækt, umhverfismál, mengun og ekki síst laxveiði á alþjóðahafsvæðum í Norður-Atlantshafi.Á vegum þessara samtaka komu fram fyrstu hugmyndir um að banna laxveiðar á alþjóðasvæðum Atlantshafsins og var áskorun þess efnis send ríkisstjórnum Norðurlandanna.

LS er aðili að nokkrum landssamtökum um náttúruvernd og hagsmunagæslu.Má þar helst nefna Landvernd og er það velenda segir í 3.gr. laga LS um tilgang þess að það skuli vinna að náttúruvernd.

LS hefur haldið fjölmargar áhugaverðar ráðstefnur er tengjast stangaveiði og má þar nefna ráðstefnur um mengun í ám og vötnum, um stórlaxinn, um veiða og sleppa.

Helstu verkefni LS í dag eru samskipti við aðildarfélög LS, samskipti við hagsmunaaðila, átaksverkefni og innlendir viðburðir s.s. veiðidag fjölskyldunnar og samskipti við opinbera aðila á sviði stangaveiða.Ekki hafa orðið umtalsverðar breytingar á verkefnum og baráttumálum LS á þessu tímabili.Enn berjumst við fyrir því að netaveiðum á villtum laxi sé settar skorður og barátta fyrir því að varlega sé farið í fiskeldi hefur staðið lengi yfir.

Það er staðreynd að samtök áhugamanna geta mörgu góðu komið til leiðar og komið baráttumálum sínum áleiðis sé unnið markvisst að þeim með samstilltu átaki aðildarfélaganna.

Á þessu má sjá að það er mikill fjöldi mála sem samtökin hafa unnið að og tekið til meðferðar.Mörg þeirra hafa hlotið afgreiðslu, mismunandi góða, en önnur bíða enn úrlausnar.Oftast er það svo, að frá því að byrjað er að vinna að einhverjum málum líður fjöldi ára þar til þau ná fram að ganga.

LS mun í tilefni dagsins halda veglega afmælisráðstefnu þann 6. nóvember nk. að Grand Hótel í Reykjavík frá 14-17.Umfjöllunarefni ráðstefnunnar er:Seiðasleppingar í ár og vötn.Allir áhugamenn um stangaveiði eru velkomnir.

Reynir Þrastarson

Formaður Landssambands Stangaveiðifélaga.

GSM 8994291 ef frekari upplýsinga er þörf.

Related Images:

Andakílsá endaði í 332 löxum sem er mjög góður árangur og 3. besti árangur frá því þegar skráningar hófust.

Árin 2008 og 2009 gáfu óeðlilega mikið af löxum, en þetta ár var í raun í eðlilegu formi fjöldalega séð.

Síðustu 37 árin ef undanskilið er árið 2010 þá er meðalveiði árinnar 191,5 lax.

Related Images:

Ég undirritaður er er að leita að 36 punda laxi sem var veiddur í Víðdalsá á árum áður. Hann á að vera til á Akranesi uppstoppaður eða á mynd.

þeir sem hafa upplýsingar um þennan lax vinsamlega hafið samband við.

Svavar í farsímanum 894-4186

Virðingarfyllst,

Svavar Garðarson

Related Images:

Mæting kl 17:45

Farið verður með rútu frá skrifstofu Stangaveiðifélagi Akraness föstudaginn  22. október kl 18:30.

Gullhamrar opna kl 19:00

Miðaverð kr. 7.500 (Rútan innifalin).

Fordrykkur í boði SVFA

Skráningar í síma 899-6229 hjá Bjarna ritara SVFA.

Best væri að skrá sig fyrir 15. október.

Stjórn SVFA.

Related Images:

Uppskeruhátíð Stangaveiðimanna verður haldin föstudaginn 22.október Gullhömrum Grafarholti.

Miðapantanir á netpósti svfr@svfr.is

Félagar fjölmennum.

Nánari auglýsing um skemmtunina er hér.

Related Images:

Árnefnd Stangaveiðifélags Reykjavíkur lauk veiðum í Fáskrúð fimmtudaginn 30. september.

Lokatölur úr ánni eru 520 laxar skráðir.

Hluti af félögum í Stangaveiðifélagi Akraness fóru í Fáskrúð síðastliðinn laugardag til ganga frá vatnslögn og húsi fyrir veturinn og síðan fóru menn til veiða til að bæta við klakfisk þar sem aðeins voru komnir 6 laxar í klakkistur og vantaði 4 til 5 laxa í viðbót, bæði hænga og hrygnur.

Þessir félagar í Stangaveiðifélagi Akraness náðu að bæta við 4 löxum í klakkistur og eru þá komnir 10 laxar alls til kreistingar sem telst gott.

Það var eftirtektarvert að það er töluvert af laxi í ánni, það sást mikið af löxum í Hellufljóti, Neðstafljóti, Viðbjóði og Laxhyl, það er að segja þeir staðir sem farið var á.  Einnig sást nokkuð af laxi í Neðri-stapa.

Það vakti athygli að árnefnd Stangaveiðifélags Reykjavíkur sem lauk veiðum formlega var að taka laxa bæði í Veiðileysu og Víðikeri á þessum tíma í lok september.d

Veiðin í ánni var mjög góð alla jafna yfir allt sumarið nema í kuldakaflanum um miðjan september, þegar hitinn var kominn niður í frostmark og áin í 3-5°C gekk mönnum mjög illa að ná laxi, en náðu þó ágætis veiði.

Veiðin lítur mjög vel út fyrir næsta sumar, miðað við veiðitölur og þéttleika í seiðabúskap.

Virðist áin vera að ná sér á strik og kvótinn sem var settur á og áhersla á að veiða og sleppa sé að skila árangri í sterkari laxastofni í ánni.

Myndband frá klakveiði.

Related Images:

Veiðimenn sem eru að ljúka veiðum í Fáskrúð á hádegi í dag eru samkvæmt heimildum komnir í 36 laxa og hafa sleppt megninu af þeim og einnig sett í klakkistur.

Þá er áin komin í 484 laxa sem telst næst besti árangur frá upphafi, en 4 dagar eru eftir af veiðitímabilinu.

Related Images: