Veiði í Þverá og Selós lauk 25. september síðastliðin.

Í Þverá veiddust 9 laxar og talsvert var líka um urriða.
Í Selós veiddust 12 laxar og einnig ágæt urriðaveiði.

Fiskgengd upp á efra vatnasvæði Laxár í Leirársveit var lítil þetta sumarið en í gegnum teljara í Eyrarfossi gengu 484 laxar ( nettó, þegar búið er að draga frá laxa sem gengu niður teljarann).  Veiðin í sjálfri Laxánni var 624 laxar.

Ekki er komið í ljós hvort SVFA mun bjóða upp á leyfi í Selós/Þverá á næsta sumri en samningur félagins við veiðifélag Laxár gilti einungis fyrir nýliðið sumar.

Related Images:

Veiði er aðeins að glæðast í Svínadal í kjölfar úrkomu síðustu daga.

Í Selós eru bókaðir 9 laxar þar af 6 fiskar síðustu 7 daga.
Í Þverá eru bókaðir 8 laxar og hafa þeir allir veiðst síðustu daga.

Vatnsstaða er góð og um að gera fyrir leyfishafa að kíkja upp í Svínadal.
Eftir 7. september má aðeins veiða á flugu í Selós/Þverá.

Bakkastrengur í Þverá

Related Images:

Á hádegi í gær 23. ágúst var Fáskrúð komin í 94 laxa. Veiðin hefur verið heldur treg enda vatnsstaða búin að vera með lægast móti í ágúst.  Talsvert af fiski er í ánni og líklegt að haustið verði drjúgt í veiðinni.  Á sama tíma í fyrra stóð veiðin í 101 laxi.

Lág vatnsstaða gerir veiðimönnum í Þverá og Selósi í Svínadal erfitt fyrir.  Það er þó mjög þekkt að veiði taki ekki að glæðast á þeim slóðum fyrr en haustrigningarnar byrja. Spáð er góðri dembu um helgina og þá gæti lifnað yfir bæði í Svínadal og Dölum.

Úr Fáskrúð, Katlafoss

Related Images:

Veiðst hafa 56 laxar úr Fáskrúð frá opnun 30. júní til hádegis í dag, 30. júlí.  Í meðfylgjandi töflu má sjá veiði úr hverjum veiðistað.

Related Images:

Fyrstu laxarnir hafa verið veiddir í Selós þetta sumarið.  Fyrri laxinn veiddist á föstudag í Efri stút og hinn síðari á sama stað daginn eftir.   Smá kippur hefur verið í göngu laxa upp fyrir Eyrarfoss en fylgjast má með stöðunni á meðfylgjandi síðu SMELLA HÉR

Related Images:

Holl sem lauk veiðum á hádegi í gær (10. júlí) skráðu10 laxa.  Þrír komu úr Hellufljóti, einn úr Ármótum, einn úr Viðbjóði, tveir úr Neðri barka, einn úr Efri barka og tveir úr Efri streng.  Góð vatnsstaða var þegar hollið byrjaði veiðar en fer heldur minnkandi.   Skráðir eru 17 laxar í veiðibók frá opnun sem var 30. júní.

Related Images:

Það hefur verið tekin ákvörðun um að ekkert skuli veitt í Andakílsá þetta sumarið.  Hagsmunaaðilar komust að þessari niðurstöðu sem byggir á ráðleggingum sérfræðinga Hafrannsóknarstofnunnar.  Haft verður samband á næstu dögum við þá aðila sem eiga leyfi í ánni og þeim endurgreitt.

Related Images:

Eins og öllum er kunnugt um varð mikið umhverfisslys í Andakílsánni í síðustu viku.  Fræðimenn eru að meta stöðuna. Mögulegt er að ekki verði veitt í ánni í sumar. Við munum upplýsa félagsmenn og veiðileyfishafa sérstaklega um ákvörðunina þegar hún liggur fyrir.

Myndir teknar 22. maí 2017 inn í albúmi sjá hér

Related Images:

Við ætlum að standa fyrir samkomu þar sem veiðimenn geta komið saman og spjallað um komandi veiðisumar.

• Lauslega verður farið yfir veiðisvæði félagsins og meðal annars kynntar breytingar á húsakosti við Fáskrúð, Ljáskógum.
• Happadrætti – dreginn verður út heppinn gestur sem hlýtur að launum veiðidag í Andakílsá.
• Áhugasamir aðilar utan félagsins geta skráð sig í félagið á staðnum.
• Höfum unnið að því að afla félagsmönnum afsláttarkjara í veiðivöruverslunum sem verða kynnt.
• Léttar veitingar í boði félagsins.

Staður: Stúkuhúsið við Byggðasafnið að Görðum, Akranesi.
Tími: Föstudaginn 12. maí frá kl. 20:00 til 22:00

með bestu kveðju
Stjórn SVFA

Related Images:

Aðalfundur félagsins verður haldinn 19. janúar kl. 20 að Suðurgötu 108, Akranesi.
Söludagur verður laugardaginn 21. janúar kl. 11, einnig að Suðurgötu 108.

Félagsmönnum hefur verið send söluskrá ársins í pósti.  Hana má einnig nálgast hér.

Related Images: