Veiðst hafa 56 laxar úr Fáskrúð frá opnun 30. júní til hádegis í dag, 30. júlí.  Í meðfylgjandi töflu má sjá veiði úr hverjum veiðistað.

Fyrstu laxarnir hafa verið veiddir í Selós þetta sumarið.  Fyrri laxinn veiddist á föstudag í Efri stút og hinn síðari á sama stað daginn eftir.   Smá kippur hefur verið í göngu laxa upp fyrir Eyrarfoss en fylgjast má með stöðunni á meðfylgjandi síðu SMELLA HÉR

Holl sem lauk veiðum á hádegi í gær (10. júlí) skráðu10 laxa.  Þrír komu úr Hellufljóti, einn úr Ármótum, einn úr Viðbjóði, tveir úr Neðri barka, einn úr Efri barka og tveir úr Efri streng.  Góð vatnsstaða var þegar hollið byrjaði veiðar en fer heldur minnkandi.   Skráðir eru 17 laxar í veiðibók frá opnun sem var 30. júní.

Það hefur verið tekin ákvörðun um að ekkert skuli veitt í Andakílsá þetta sumarið.  Hagsmunaaðilar komust að þessari niðurstöðu sem byggir á ráðleggingum sérfræðinga Hafrannsóknarstofnunnar.  Haft verður samband á næstu dögum við þá aðila sem eiga leyfi í ánni og þeim endurgreitt.

Eins og öllum er kunnugt um varð mikið umhverfisslys í Andakílsánni í síðustu viku.  Fræðimenn eru að meta stöðuna. Mögulegt er að ekki verði veitt í ánni í sumar. Við munum upplýsa félagsmenn og veiðileyfishafa sérstaklega um ákvörðunina þegar hún liggur fyrir.

Myndir teknar 22. maí 2017 inn í albúmi sjá hér

Við ætlum að standa fyrir samkomu þar sem veiðimenn geta komið saman og spjallað um komandi veiðisumar.

• Lauslega verður farið yfir veiðisvæði félagsins og meðal annars kynntar breytingar á húsakosti við Fáskrúð, Ljáskógum.
• Happadrætti – dreginn verður út heppinn gestur sem hlýtur að launum veiðidag í Andakílsá.
• Áhugasamir aðilar utan félagsins geta skráð sig í félagið á staðnum.
• Höfum unnið að því að afla félagsmönnum afsláttarkjara í veiðivöruverslunum sem verða kynnt.
• Léttar veitingar í boði félagsins.

Staður: Stúkuhúsið við Byggðasafnið að Görðum, Akranesi.
Tími: Föstudaginn 12. maí frá kl. 20:00 til 22:00

með bestu kveðju
Stjórn SVFA

Aðalfundur félagsins verður haldinn 19. janúar kl. 20 að Suðurgötu 108, Akranesi.
Söludagur verður laugardaginn 21. janúar kl. 11, einnig að Suðurgötu 108.

Félagsmönnum hefur verið send söluskrá ársins í pósti.  Hana má einnig nálgast hér.

Tvær ár renna á milli vatnana í Svínadal.  Sú neðri milli Eyrarvatns og Þórisstaðavatns heitir Selós en sú efri milli Þórisstaðavatns og Geitabergsvatns heitir Þverá.

Veitt er á eina stöng í hvorri á.  Einungis má nota flugu og flugustöng við veiðarnar..  Kvóti er 4 laxar á stöng á dag.  Veitt er frá kl. 7 aða morgni til kl 13.  Hvíld er 2 klst. og hefja má veiði aftur kl. 15 til kl. 21.Fyrirkomulag leyfasölu og veiða er með þeim hætti að 90 veiðidögum í hvorri á er skipt upp í 6 daga pakka sem dreifast yfir tímabilið.  Með því móti skipta 30 veiðileyfishafar veiðisvæðunum með sér.  Hver veiðimaður fær leyfi á rúmlega tveggja vikna fresti.

Veiðimaður með leyfi númer 1 og veiðmaður með leyfi númer 2 veiða sama dag annar byrjar í Selós hinn í Þverá.  Eftir hvíld skipta aðilarnir um veiðisvæði.  Nánara skipulag verður að sjá á söludegi 21. janúar 2017.

Hér má sjá skrá um skiptingu veiðidaga

SVFA óskar félagsmönnum sínum og veiðimönnum öllum gleðilegra jóla með von um fengsælt komandi ár.

Fáskrúð náði aðeins að klóra í bakkann í september en Andakíll var slappur í allt sumar.  Lokatölur í Fáskrúð eru 220 laxar og þar af veiddust 100 laxar í september.  Meðalveiði í ánni frá árinu 2000 eru 254 laxar.

Í Borgarfirðinum var veiðin almennt léleg og var Andakíllinn engin undantekning á því.
Lokatölur sumarsins eru 113 laxar miðað við 379 laxa í fyrra og meðalveiði upp á 265 laxa frá árinu 2000.