Varla hefur verið hægt að kvarta undan vatnsleysi í lok veiðitímabilsins 2008 en þann 19. september var við veiðar í Andakílsá skagamaðurinn Svavar Garðarsson ásamt fjölskyldu. Ekki spillti fyrir það laxamagn sem gengið hafði í ána um sumarið en metveiði var í ánni alls 839 laxar en fyrra met hljómaði upp á 321 lax og stóð óhaggað síðan 1975.

Eins og sjá má á myndunum sem við fengum sendar er áin sem eitt beljandi stórfljót og hefur það vissulega verið skemmtileg áskorun að eiga við annars þessa nettu veiðiá við svona aðstæður.

Laxarnir voru að sína sig langt upp á bílastæði eða þar sem eðlilegt væri að leggja bifreið við venjuleg vatnsskilyrði. Félagið þakkar Svavari kærlega fyrir myndirnar.

Andakílsárfossar í öllu sínu veldi.

Við veiðar á bílastæðinu í þremur.

Veiðilegur strengur.

Séð frá veiðihúsinu.

Þarna er bílastæði í eðlilegum skilyrðum.

Út í miðju fljóti.

Gríðarlegt vatnsmagn.

Ljósmyndir úr safni Svavars Garðarssonar

Related Images:

Þá er öðru fluguhnýtingakvöldi félagsins lokið og heppnaðist það með eindæmum vel.
Leiðbeinandi var Sigurveig Runólfsdóttir og fór hún ítarlega í hnýtingu á nokkrum vinsælum laxaflugum en Sigurveig er sjálf mikil áhugamanneskja um laxveiði og enginn aukvissi þegar kemur að hnýtingum.
Hnýttar voru flugurnar Red Frances, Black Sheep og Green Brahan og voru hnýtarar bara nokkuð sáttir við útkomuna og vill stjórn félagsins þakka Sigurveigu sérstaklega vel fyrir komuna.

Þess má til gamans geta að á fyrsta fluguhnýtingakvöldinu sem fram fór 12. febrúar s.l. leiðbeindi Sigurður Pálsson hnýturum og tók fyrir púpurnar Copper John, Himmelfahrt og marfló en ásamt því að vera stórgóður hnýtari er Sigurður afbragðs sögumaður og algjör viskubrunnur þegar kemur að hverskins veiðitengdum málefnum. Kappinn mætir aftur til leiks á næsta kvöldi en það fer fram fimmtudaginn 12. mars kl 20:00 og verður gaman að sjá hvað hann kokkar upp úr töskunum sínum þá. Sigurður mætir með öll efni og verkfæri þegar hann leiðbeinir, fyrir þá sem þurfa.
 

Rétt er að taka fram að yfirbragð þessara hnýtingakvölda er afar rólegt og hvetjum við alla félagsmenn unga sem aldna, vana sem óvana til þess að mæta og taka þátt í félagsstarfinu. Ávallt heitt á könnunni !

Utanfélagsmenn velkomnir, 750 kr. pr. mann kvöldið.

Related Images:

Í haust flutti sá kunni veiði- og fluguhnýtingamaður Kjartan Guðmundsson á Höfða. Fljótlega kom Kjartan sér upp fluguhnýtingaraðstöðu í kjallara Höfða. Í tilefni af því bjó hann til nýja flugu sem hann nefnir HÖFÐI. Flugan hefur þegar slegið í gegn og Kjartan framleiðir hana eftir pöntunum.

Eins og sjá má á myndinni er þetta hin fallegasta fluga og enginn vafi á að HÖFÐI mun leggja margan laxinn á komandi sumri.

Frétt tekin af heimasíðu Dvalarheimilins Höfða

Related Images: