Viðhöfum undir höndumskemmtilegar heimildiryfir veiði í Fáskrúð allt frá árinu 1941. Tölurnar tók samanveiðimaðurinn og fyrrverandi formaður SVFA, KjartanGuðmundsson. Heimildirnar eru úr gömlum veiðibókum sem eru að finna á skrifstofu félagsins.

Við munum síðar birta listann í heild en fyrst um sinn höfum við tekið saman tuttugu bestu og lélegustu árin. Upplýsingar um veiði vantar að vísu fráárunum1947,-48,-49,-55,-57,-65,-74 og 1975. Þessi áreru því ekki tekin til greina sem bestu og lélegustu árin þangað til veiðitölur frá þeim finnast.

Athygli vekur að undanfarin tvö ár, 2008 og 2009 rata beint inn á topp fjögur ásamt árunum 1971 og 1988.

Related Images:

Nýlega kom út skýrsla árnefndar SVFR við Andakílsá fyrir tímabilið 2009.

Þar kemur fram að á liðnuári veiddust samtals 706 laxar á svæðinu. Þar af 694 á laxasvæði árinnar.

Þetta er því næst besta veiðin af síðastliðnum 40 árum í kílnum. Besta sumarið var 2008 þegar 839 laxar veiddust. Beina slóð á skýrsluna frá SVFRer að finna hér.

Eins og kunnugt er fer SVFAmeð sölu fjórðungs veiðileyfa í ánni í góðu samstarfi við SVFR sem sér um hinn þriðjung veiðileyfanna. Við höfum nú tekið sérstaklega saman veiðina á dögum félagsins ásamt ýmsum öðrum fróðleik frá sumrinu.

Góð heildarveiði á dögum SVFA

Heildarveiði á laxasvæðinu í sumar var 694 laxar en þar af komu 242 laxar á land á dögum SVFA. Það er því yfir þriðjungur heildaraflans í sumar eða alls 35% sem veiddist á dögum félagsins.

Öflugmeðalveiði á hverja stöng.

Á dögum félagsins var meðalveiðin 4.75 laxar per stöng á dag á móti2.95 löxum per stöng ádögum SVFR.Yfir tímabilið alltveiddust aðmeðaltali 3.4 laxar per stöng á dag.

Yfirburðagóð fluguveiði á dögum SVFA.

Af 242 veiddum löxum á dögum félagsinsfengust 187 á flugu á móti 56 á maðk. Dagar SVFAskiluðu því 77%á fluguog23% á maðk.Dagar SVFR skiluðu svo 69%á fluguog31% á maðk og íheildina yfir sumariðvar71.5%veitt á flugu en28.5% á maðk.

Bestu holl SVFA í sumar voru í september.

Mest veiddist þann 11. sept af öllum dögum SVFA á tímabilinu eðaalls 33 laxar. Næst mest veiddist þann 15. sept þegar 30 laxarkomu á land.Þar á eftir komu tvö júlí holl með fína veiði og þar á eftir annar stakur septemberdagur.
Sjá nánari skiptinguí töflu hér til hliðar.

Verstudagar SVFA.

Enginn lax veiddist á dögum félagsins 22 og 26. júní.Næst lélegustu holl sumarsins voru svo 1-2. júlí, 3-4. sept og 10. sept en öll þessi holl hafa einungis 2 laxa skráðaí bók.

Slakur árangur í því að veiða og sleppa.
Á dögum SVFA slepptu veiðimenn9 löxum af 242 eða 3.71% aflans og á dögum SVFRslepptu veiðimenn 22 löxum af 452eða 4.86%. Í heildina var einungis 31 af 694 löxumsleppt yfir allt tímabilið í Andakílsá en þaðgera 4.46%.

Til samanburðar mágeta þessað 12.72% heildaraflans í Fáskrúð var sleppt í sumar og þar er veiðiskiptingin þveröfug eðanálægt73% maðkur og 27% fluga !

Efri Fossbakkahylur náði fornri frægð í sumar.

Þrjú var aflahæstur með 211 laxa veiði.

Efri Fossbakkahylur endaði í 191 löxum.

Úr Nátthagahyl komu 85 laxar.

Tvö og hálft skilaði 72 löxum á land.

Laugafljót endaði í51 skráðum löxum.

Volti skilaði 25 löxum í sumar.

Sleifarkvarnirvoru með22 laxa skráða.

Ljósmyndir;AMK – Ábendingar berist á tölvupósti hér

Related Images:

Veiðin í Fáskrúð var mjög góð í sumar og hljóðaði upp á 456 laxa sem er með því betra sem veiðst hefur á svæðinu frá upphafi.

Ef byrjað er á að skoða viku 1 hefur veiðin farið heldur rólega af stað og skilaði aðeins níu löxum á land. Laxarnir fengust þó nokkuð víða eða í stöðum eins og Tjaldkvörn, Hávaða, Eirkvörn, Efri Stapa, Viðbjóð, Efri Barka og Viðauka. Fyrsti laxinn í ánni veiddist í Efri Barka 1. júlí en staðurinn skilaði samt sem áður einungis þrem löxum á land í allt sumar.

Í viku 2 byrjuðu bæði Efri og Neðri Brúarstrengir að gefa góða summu af laxi en alls gáfu strengirnir tveir samtals 74 af 152 veiddum löxum í júlí. Efri Brúarstrengur gaf 59 laxa í júlí og Neðri Brúarstrengur gaf 15 laxa. Þriðji aflahæsti veiðistaðurinn í júlí var Leynir með 10 laxa, fjórði var Viðbjóður með 9 laxa og fimmti var Eirkvörn með alls 8 laxa.

Neðri Stapakvörn endaði sem þriðji aflahæsti staðurinn í ánni yfir sumarið en samt sem áður komu ekki nema 2 laxar þaðan í júlí. Strax fyrstu vikuna í ágúst fengust 9 laxar í Neðri Stapa og endaði mánuðurinn þar í 21 veiddum löxum. Í september skilaði staðurinn 24 löxum og alls 47 yfir mánuðina þrjá.

Í byrjun ágúst veiddist fyrsti laxinn í Hellufljóti sem verður að teljast mjög undarlegt. Hellan skilaði 15 löxum í sumar og endaði sem tíundi aflahæsti staðurinn í ánni.

Þriðju vikuna í ágúst gáfu Katlafossar 7 laxa og þar bættust við 2 laxar fyrir mánaðarlok. Katlafossar enduðu í sjötta sæti yfir sumarið með 20 laxa veiði.

Laxhylur gaf 8 laxa í júlí, 38 laxa í ágúst og 21 í september og endaði þar með sem aflahæsti staðurinn í sumar með 67 laxa. Neðri Barki kom sterkur inn í ágúst með 22 laxa veiði og endaði sem fjórði aflahæsti yfir sumarið með 44 laxa.

Í september hélt Neðri Stapi áfram að gefa vel
og skráðir voru 13 laxar fyrstu vikuna þar. Veiðileysa gaf sinn fyrsta og eina lax í sumar að ra vikuna í september.

Miðfljótið gaf 9 laxa yfir tímabilið, fjóra í júlí og fimm í september. Neðstafljót náði sér aldrei á strik og veiddust aðeins tveir laxar þar í sumar.

Laxhylur, Efri Strengur, Neðri Stapi og Neðri Barki voru yfirburða veiðistaðir í september og enduðu í topp 5 ásamt Efri Brúarstreng yfir sumarið í heild.

Þeir staðir sem skiluðu ekki laxi í sumar voru Víðiker, Blesa, Skrúður, Gullkvörn og sem fyrr, Bakkastrengur.

Skipting vikna var þannig að fjórða vika tímabilsins var aflahæst með 60 laxa en fast á hæla hennar voru vikur þrjú og fimm með 54 og 58 laxa veiði. Vika eitt gaf minnst eða9 laxa og síðasta vikan, sú tólfta, gafnæst minnst í sumar eða einungis15 laxa.

Í töflunni hér að neðan má sjá ítarlega sundurliðun á veiðinni í einstaka veiðistöðum, í hverjum mánuði og viku fyrir sig:

Hér fyrir neðangefur að lítaaflahæstu veiðistaði og hvenær fyrst veiddist lax á hverjum stað:

Veitt og sleppt, skipting agns, þyngstu laxar ofl:

Ljósmyndir;AMK – Ábendingar berist á tölvupósti hér

Related Images:

Sextán manns sóttu aðalfund Landssambands Stangaveiðifélaga undir yfirskriftinni Framtíð LS og hlutverk þess fyrir Stangaveiðifélög.

Fundurinn var að þessu sinni haldinn hjá okkur í SVFA á Akranesi síðastliðinn laugardag. Fyrr um morguninn fór fram formannafundur þar sem formenn allra aðildarfélaga áttu kost á að sitja lokaðann fund.

Um hefðbundinn aðalfund var að ræða og var m.a. farið yfir ársskýrslu stj
órnar og tilgang LS. Sambandið sem fyrst og fremst er starfrækt sem öflugur málsvari stangaveiðifélaga í landinu hafði á síðasta starfsári unnið að mörgum verkefnum sem snúa m.a. að samskiptum við opinbera aðila, stangaveiðifélög og hagsmunaaðila. Ásamt því hefur sambandið sinnt lögbundnum verkefnum og skemmtilegum átaksverkefnum s.s. fluguhnýtingakeppni og veiðidegi fjölskyldunnar.

Samþykkt var á fundinum að fresta kosningu til stjórnar og kosningu formanns til 19. nóvember næstkomandi. Sitjandi formaður er því enn um sinn okkar maður í Stangaveiðifélagi Akraness, Ingólfur Þorbjörnsson.

Samþykkt var ályktun LS um hugsanlega færslu Veiðimálastofnunar frá sjávarútvegs- og landbúnaðarráðuneyti til umhverfisráðuneytis og er ályktunin birt hér að neðan.


Aðalfundur Landssambands stangaveiðifélaga haldinn þann 17. október 2009 lýsir miklum áhyggjum af fyrirhuguðum flutningum á forræði Veiðimálastofnunar frá sjávarútvegs- og landbúnaðarráðuneyti til umhverfisráðuneytis. Með þessum flutningi myndi stefnt í hættu því góða samstarfi og samvinnu sem hagsmunaaðilar hafa átt við Veiðimálastofnun. Hér er sérstaklega horft til þess áherslumunar sem óneitanlega er  milli auðlindastjórnunar og umhverfisverndar. Aðalfundur LS leggur á það þunga áherslu að mikil ánægja er með hvernig Veiðimálastofnun hefur starfað og að starfsemi hennar verði ekki sett í uppnám. 


Mynd; Aðalfundur LS – Hans U. Ólason SVH, Reynir Þrastarson SVFR, Hafsteinn Kjartansson SVFA og Ingólfur Þorbjörnsson SVFA.

Related Images:

Við birtum nú myndasyrpu sem við fengum senda fyrr í sumar frá veiðimönnum sem voru við veiðar í Fáskrúð dagana 11-13. ágúst.

Myndirnar sýna veiðimanninn Heimi Kristjánsson og son hans, glíma við lax í Stebbastreng frá einstaklega skemmtilegu sjónarhorni. Veiðifélagi Heimis í þessum túr var Hafsteinn Kjartansson og var hann staðsettur í hlíðinni fyrir ofan veiðistaðinn og tók myndirnar.

Myndasyrpuna frá þeim félögum má sjá í heild með því að smella á meira hér að neðan…

Félagsmenn jafnt sem aðrir eru hvattir til þess að senda vefnum myndir frá liðnum veiðitímabilum sem gaman væri að birta í vetur.

Myndasyrpa frá Fáskrúð í Dölum 11 – 13. ágúst 2009 – Stebbastrengur

Veiðim. Heimir Kristjánsson- Ljósm. Hafsteinn Kjartansson.

Related Images:

Veiði lauk á hádegi í dag við Fáskrúð í Dölum. Síðasta skagahollið landaði fjórum löxum við erfiðar aðstæður og mikið vatn.

Að sögn veiðimanna setti mikill kuldi strik í reikninginn við veiðiskap. Krapi var í ánni og sem dæmi má nefna að neysluvatnið var frosið í leiðslum langar leiðir. Veiðimenn fengu þrjá laxa á flugu, tvo á Breiðunni og einn í Laxhyl. Að auki fékkst einn lax á Toby í Neðri Barka.

Hljóðar þá lokatalan upp á 456 laxa sem er með því betra sem veiðst hefur í Fáskrúð í áraraðir. Ef skoðuð er sérstaklega veiði síðastliðinna níu ára eða á tímabilinu 2000 til 2008, má sjá að veiðin í sumar er sú besta af þeim, og vel yfir meðaltalinu sem eru 236 laxar.

Í veiðibókinni frá því í sumar má finna margt fróðlegt. Við höfum tekið saman nokkrar tölur hér að neðan.

Þyngsti flugulaxinn var 80 cm, 5.3 kg hrygna úr Viðauka.

Nýgengnir laxar voru að veiðast fram til 20. september.

Related Images:

Mjög góð veiði hefur verið undanfarnar þrjár vikur í Andakílsá. Skagaholl sem var við veiðar í gær, sunnudaginn 27. september landaði 22 löxum. Þar af fengust 20 á flugu og 2 á maðk. Mikið vatn er í kílnum og fengu veiðimenn 18 af þessum löxum frá Laugafljóti og niður undir beygju í veiðistað sem gjarnan er skráður númer 2,5.

Áin stendur þá í 649 löxum þegar enn eru tveir dagar eftir af veiðitímabilinu en veitt er út septembermánuð í kílnum. Sumarið 2008 veiddust 839 laxar á svæðinu og sló sú veiði rækilega út metveiðiárið 1975 þegar 321 laxar veiddust. Þetta er því annað besta veiðitímabilið sem nú er að ljúka í ánni frá upphafi skráninga.

Skagamenn hafa gert það mjög gott í kílnum og sem dæmi má nefna 11. september sem skilaði 33 löxum á land. Þann 15. september landaði skagahollið 30 löxum og hollið 27. september var með eins og áður segir 22 laxa. Á silungasvæðinu hafa verið skráðir til bókar 12 laxar í sumar en mjög lítið af bleikju. Mikið hefur hins vegar borið á flundru á svæðinu sem og í veiðibók.

Mikið vatn og töluverður kuldi setur mark sitt á veiðiskap í Fáskrúð þessa dagana en í gærkvöldi hafði áin náð 452 laxa veiði. Skagamenn loka nú ánni með síðasta holli sumarsins en tímabilinu lýkur miðvikudaginn 30. september.

Fluguveiði í Fáskrúð hefur aukist gríðarlega í sumar. Bara í septembermánuði hafa verið skráðir til bókar 57 laxar á flugu á móti 67 löxum á maðk og 5 löxum á spón. Af þessum 129 löxum sem skráðir hafa verið í september hefur 32 löxum verið sleppt. Sleppingar á löxum hafa aldrei verið jafn tíðar í Fáskrúð eins og á þessu veiðitímabili en betur má ef duga skal.

Ef við stiklum á stóru frá síðastliðinni viku í Fáskrúð þá vitum við að skagahollið sem veiddi frá 20 – 22. september landaði 9 löxum og slepptu veiðimenn þar af einni 3 kg hrygnu í Laxhyl. Þann 23. september á dögum SVFR veiddist svo ein 5 kg hrygna á Breiðunni sem því miður var drepin. Fimm laxar veiddust í skagahollinu 24. september, þar af þrír áætlaðir frá 3 – 4 kg í Laxhyl og var þeim öllum sleppt. Hinir tveir veiddust svo í Viðauka og Efri Streng á maðk. Reykjavíkurdagarnir 26 -28. september gáfu svo fimm laxa og þrír af þeim fengust á flugu. Einn í Neðri Barka á Sunray og tveir á Þýska Snældu í Jóku, af öllum stöðum. Öðrum laxinum þaðan var sleppt en það var 3 kg hrygna. Þann 27. september veiddust svo tveir laxar í Neðri Barka á maðk, þar af 5 kg hængur.

Netveiðibækurnar liggja sem fyrr niðri en við bindum vonir við það að birta í það minsta veiðibók fyrir Fáskrúð hér á vefnum áður en langt um líður.

Veiðistaðurinn Laugafljót í Andakílsá – gríðarleg veiði hefur verið á þessum slóðum síðustu daga (Ljósm. AMK)

Veiðimaður kastar í Neðri Stapakvörn við Fáskrúð í Dölum 27. september – Stapinn hefur gefið vel í sumar. (Ljósm. AMK)

Related Images:

Fáskrúð í Dölum hafði á hádegi í gær 20. september, náð 433 laxa veiði, sem er einum laxi meira en allt tímabilið í fyrra. Nú eiga fimm holl enn eftir að ljúka veiðum svo þessi tala á eflaust eftir að hækka.

Misskilningur hefur átt sér stað í sambandi við metveiðitölur úr Fáskrúð undanfarið. Nú vitum við að samkvæmt heimildum sem eru að finna í veiðibók á skrifstofu félagsins, er metveiði í Fáskrúð skráð 578 laxar frá árinu 1971, en ekki 464 laxar eins og áður hefur komið fram. Fáskrúð mun því ekki vera nálægt því að slá fyrra veiðimet að þessu sinni.

Aðstæður til veiða hafa verið heldur erfiðar síðustu daga í Dölunum. Síðustu holl hafa verið að fá frá 5 löxum og upp í 13 laxa á stangirnar tvær.

Síðasta skagaholl sem veiddi frá 18-20. september landaði 13 löxum. Þar af 6 á maðk og 7 á flugu. Af þessum 13 löxum var 7 sleppt. Laxarnir fengust í Ármótastreng, Leyni, Neðri Stapa, Matarpollum, Neðri Barka, Efri Streng, Laxhyl og á Breiðunni.

Nokkuð hefur verið um það á haustdögum að veiðimenn veiði nýgengna laxa og ánægjulegt er að sjá að síðast eru skráðir lúsugir laxar þann 18. september úr Hamrakvörn.

Mynd1; Ungur veiðimaður þreytir lax á flugu í Efri Streng 19. september – laxinum var landað stuttu síðar. (Ljósm. AMK)

Mynd2; Veiðimaður með lax nr. 433 úr Fáskrúð – Veiddur á flugu í Ármótastreng þann 20. september. (Ljósm. KÓA)

Related Images:

Nú í september veiddist tuttugu og eins punda hængur í Klapparfljóti í Þverá í Borgarfirði. Það væri ekki frásögu færandi á þessum vef nema fyrir þær sakir að sá sem veiddi laxinn var skagamaðurinn Jónas Geirsson, tannlæknir og stjórnarmaður í SVFA. Við höfum undir höndum myndir af laxinum sem við birtum nú hér á vefnum og leituðum við sömuleiðis eftir við
brögðum frá Jónasi sem sendi okkur nokkrar línur.

Laxinn var hængur og sleppt eftir 15 mín viðureign þar sem hann hreinsaði sig 3 sinnum og tók vænar rokur upp og niður hylinn. Reyndar var ég lengur að hressa hann við, áður en honum var sleppt, en að landa honum. Hann var mældur 102 cm og áætlaður 21 pund og veiddist í hinu víðfræga Klapparfljóti í Þverá í Borgarfirði, tók 1″ þýska snældu á flotlínu með sökkenda.

Myndasyrpa – Jónas Geirsson með 21 punda hæng viðKlapparfljót í Þverá í Borgarfirði.

Mynd; Veiðimaður með hænginn stóra sem veiddist í Klapparfljóti í Þverá í Borgarfirði.

Related Images:

Góður gangur hefur verið í Fáskrúð undanfarna daga. Síðasta skagavika 4 – 10. sept skilaði 34 löxum á land. NæstaRVK hollþar á eftir sem að vísu var eingönguskipað skagamönnum fékk 20 laxa. Áin er þá komin í 393 laxa og nálgast óðum lokatöluna frá því í fyrra 432 laxar.

Holl sem laukveiðum á hádegi í dag 12. september landaði eins og áður segir 20 löxum og misstu veiðimennþar að auki 5 laxa. Af þessum 20 löxum voru 5 teknir á maðk og 15 á flugu. Þessar tölur gefa góða mynd af því hversu sterkt agn flugan getur verið í Fáskrúð oft á tíðum. Alls slepptu veiðimenn11 af 20 veiddum löxum sínum sem verður að teljast mjög gott.

Lúsugir laxar voru að veiðast í Neðri Stapa og Neðri Barka. Ein 80 cm hrygna fékkst á flugu í Viðauka og var henni að sjálfsögðu sleppt. Sú hrygna er áætluð um 5.3 kg og ætti að gera gott gagn er hrygningartíminn gengur í garð, ef hún verður ennþá í ánni.

Mjög gott vatn er núna í Fáskrúð og nýjir laxar enn að gangainn svo það má búast við áframhaldandi góðri veiðinæstudaga.Veitt er í Fáskrúðtil 30. septemberog hvetjum við veiðimenn til þess að nota flugu og sleppa veiddum löxum.

Veiðimaður með fallega 80 cm hrygnuveidda á flugu í Viðauka 12. september. (Ljósm. AMK)

Related Images: