Árnefnd Stangaveiðifélags Reykjavíkur lauk veiðum í Fáskrúð fimmtudaginn 30. september.

Lokatölur úr ánni eru 520 laxar skráðir.

Hluti af félögum í Stangaveiðifélagi Akraness fóru í Fáskrúð síðastliðinn laugardag til ganga frá vatnslögn og húsi fyrir veturinn og síðan fóru menn til veiða til að bæta við klakfisk þar sem aðeins voru komnir 6 laxar í klakkistur og vantaði 4 til 5 laxa í viðbót, bæði hænga og hrygnur.

Þessir félagar í Stangaveiðifélagi Akraness náðu að bæta við 4 löxum í klakkistur og eru þá komnir 10 laxar alls til kreistingar sem telst gott.

Það var eftirtektarvert að það er töluvert af laxi í ánni, það sást mikið af löxum í Hellufljóti, Neðstafljóti, Viðbjóði og Laxhyl, það er að segja þeir staðir sem farið var á.  Einnig sást nokkuð af laxi í Neðri-stapa.

Það vakti athygli að árnefnd Stangaveiðifélags Reykjavíkur sem lauk veiðum formlega var að taka laxa bæði í Veiðileysu og Víðikeri á þessum tíma í lok september.d

Veiðin í ánni var mjög góð alla jafna yfir allt sumarið nema í kuldakaflanum um miðjan september, þegar hitinn var kominn niður í frostmark og áin í 3-5°C gekk mönnum mjög illa að ná laxi, en náðu þó ágætis veiði.

Veiðin lítur mjög vel út fyrir næsta sumar, miðað við veiðitölur og þéttleika í seiðabúskap.

Virðist áin vera að ná sér á strik og kvótinn sem var settur á og áhersla á að veiða og sleppa sé að skila árangri í sterkari laxastofni í ánni.

Myndband frá klakveiði.

Related Images:

Veiðimenn sem eru að ljúka veiðum í Fáskrúð á hádegi í dag eru samkvæmt heimildum komnir í 36 laxa og hafa sleppt megninu af þeim og einnig sett í klakkistur.

Þá er áin komin í 484 laxa sem telst næst besti árangur frá upphafi, en 4 dagar eru eftir af veiðitímabilinu.

Related Images:

Samkvæmt heimildum veiðimanns sem er staddur við veiðar í Fáskrúð í dag þá er mikill kuldi, töluvert frost, veiðar ganga illa vegna lágs vatnshita(0-3°c). Þeir veiðimenn sem eru staddir í veiðihúsi skagamanna eru í erfiðleikum vegna frosinnar vatnsleiðslu, sem sagt ekkert neysluvatn eða vatn á salerni o.s.f.v.

Samkvæmt síðustu tölum sem formaður veit þá er áin komin í 431 lax, jafnvel í 440, sem telstallgóður árangur.

Related Images:

Nýlega fóru menn á vegum SVFA til seyðasleppinga í Fáskrúð. Farið var með 8000 seyði frá laxeldistöðinni Laxeyri í Hvítársíðu.

Var seyðunum sleppt á völdum veiðisvæðum og einnig fyrir ofan Katlafossa.

Verkinu stjórnaði Erling Huldarsson árnefndarmaður SVFA sem var við veiðar ásamt fríðu föruneyti og

gáfu þeir verkinu dýrmætan tíma sinn við verkið.

Stjórn SVFA skilar góðum þökkum fyrir framlag þeirra.

Related Images:

Skagahollið sem lauk veiðum í gær fékk 6 laxa við erfiðar aðstæður, napurt og kalt.

Þá er veiðin orðin um 400 laxar og stefnir í að veiðin verði 3. besta veiði frá upphafi, jafnvel 2. besta.

Related Images:

Mjög góð veiði erí Fáskrúð þessa stundina en síðasta Skagaholl lauk veiðum með 29 laxa.Flestir fengustá flugu og slepptu veiðimenn yfir 20 löxum aftur í ána.

Hollið var komiðmeð 14 laxa eftir þrjár vaktir en bætti um betur og landaði 15 löxum á síðustu vaktinni í morgun.Ofan á þessa góðu veiðimisstu svo veiðimenn einnigfjöldan allan af löxum.

Ánægjulegt er að sjá þessa miklu veiði og kvótann ekki fullnýttann.Sýnir þettasömuleiðis að flugan getur verið mjög sterkt agn í Fáskrúð.Fengust meðal annarsflugulaxar í Barkakýlinu þar sem maðkurinn erjafnan fyrsta val veiðimanna sem þangað koma.

Fyrstu laxartímabilsins úr Efri Streng komu á land í þessu holli og hefurþessi fornfrægi staðurþá gefið þrjá laxa í allt sumar.

Veiðibókin stóðí 308 löxumá hádegi
í dagentil samanburðar voru það287 laxará sama tíma í fyrra.

Related Images:

Lítið er að frétta af Andakílsá en veiðitölurfóru í 170 laxa á hádegi 5. ágúst ef marka máskráningar í veiðibók.

Holl sem var við veiðar dagana 3-5 ágústfékk 6 laxa. Komu þeir úr Volta, Þrjú og Efri Fossbakkahyl. Lax sýnir sigtöluvert en tekurminna í þessum erfiðu aðstæðum.

Á meðfylgjandi myndum má sjátvo kunnuglega veiðifélaga.Þetta erufyrrverandi stjórnarmenn félagsins til margra ára, þeir Kjartan Guðmundsson og Karl Ó. Alfreðsson sem landa laxi í veiðistað Þrjú þann 4. ágúst síðastliðinn.

Related Images:

Dagana28-30. júlí í Fáskrúð lönduðu veiðimenn sextán löxumog fjórumvar sleppt. Efri Brúarstrengur gaf 7 laxa, Efri Stapi 3, Neðstafljót 2, Hamrakvörn 2, Viðbjóður 1 og Neðri Barki 1.

Áin var þá komin í 151 lax á hádegi 30. júlí. Við fengum sendar nokkrar línur frá Bjarna Kristóferssyni en hann var við veiðar ásamt fjölskyldu sinni þessa daga.

„Talsvert af laxi virðist vera í ánni. Í Viðbjóði eru margir tugir, varlega áætlað 70-80 laxar. Svipaða sögu er að segja úr Neðstafljóti. Einnig sáust um 15 laxar í Hellufljóti, þar af einn mjög stór. Í Hamrakvörn sáust um 20 laxar. Þá sáust laxar í Börkunum báðum og í Blesu.

Vatnið er af skornum skammti og hafði reynslumesti veiðimaðurinn í túrnum orð á því að hann hefði ekki séð Fáskrúð jafn vatnslitla frá því hann kom þar fyrst um 1950. Hægt var að stikla yfir ána víða án fyrirhafnar.

„Mikið líf var í ósnum á síðasta flóði þegar við vorum að hætta, stökkvandi lax um allt svo minnti á Kollafjörðinn á tímum hafbeitarinnar.“

Fannar Björnsson með Maríulaxinn sinn úr Neðsta-fljóti.

Bylgja Kristófersdóttir með Maríulaxinn sinn úr Hamrakvörn.

Related Images:

Síðasta stórstreymisparty semstóð vaktinaí Fáskrúðskilaði ánni í 135 laxa veiði sem verður að teljast mjög gottmiðað við aðstæður.

Enn eiga tvo holl eftir að ljúka veiðum í júlí en mánuðurinn endaði í 152 löxum í fyrra.

Góð veiði erþrátt fyrir lítið vatn og mikinn hitaog kommeðal annarsá landglæsilegur stórlax hjá síðustu veiðimönnum. Hann mældist 88 cm og 7 kg og er því stærsti laxinn úr ánni til þessa.

Allslandaði holliðsextán löxum og slepptu veiðimenn fjórum þeirra.Vel veiddist í Neðstafljóti en einungis einn kom á land úr Efri Brúarstreng. Viðbjóður er sömuleiðis smekkfullur af laxi þessa stundina.

Fjórtanpundarannfékk Jónas Geirsson í Barkakýlinu oghöfum við nú til birtingar nokkrar myndir frá ferð þeirra félaga.

Við hvetjum sömuleiðis aðra veiðimenn á vegum félagsins að senda okkur myndir frá ferðum sínum á netfangið ritari@svfa.is

Fallegur flugulax úr Neðstafljóti sem hefur gefið vel í þurrviðrinu undanfarið.

Ásgrímur Kárason kastar í veiðistaðinn Viðbjóð, veiðimaður sést ef vel er skoðað !

Karl Ó. Alfreðsson með afla úr Neðstafljóti, einn á maðkinn og einn á fluguna.

Related Images:

Skagaholl sem hóf veiðar í dag við afar erfiðar aðstæður, lítið vatn oggríðarlegan vatnshita, hafðilandað 87 cm laxi úr Neðri Barka þegar fréttaritari ræddi við þá nú um klukkan 18. Fáskrúð hefur nú skilað 120 löxum í bók en tölur sem við höfum frá 23. júlí í fyrrasýna að á svipuðum tíma eða þrem dögum fyrr,vorulaxarnir 92 talsins. Athygli vekur að síðustu holl veiddu vel þrátt fyrir aðstæður,fengu ýmistkvótann eða gerðu betur.

Stórlaxinnsem veiðimenn fengu í Neðri Barka í dag tók agn veiðimannaí „kýlinu“ svokallaða og er hann áætlaður tæp 13.5 pund eða 6.7 kg samkvæmt kvarða Veiðimálastofnunar. Augljós merki þess að laxinn hafi barist við miklar grynningar á leið sinni upp ána voru áberandiá kviði laxins.

Engin væta hefur gert vart við sig í Dölunum sem aukið getur vatnsmagn í Fáskrúð en laxinn safnast saman á nokkra staðieins og t.d. Katlafoss, Neðri Barka, Viðbjóð og Brúarstrengina. Einnig höfðu
veiðimenn á orði að eitthvað af laxi hefði komið undanfarið úr Hávaða, en Hellufljótið hafi verið þögult sem gröfin eftir að hafa gefið nokkra laxa um miðjan mánuðinn.

Við uppfærum fréttir úr Fáskrúð um leið og þær berast og fáum vonandi nokkrar myndir til birtingar með.

Related Images: